Shey make ole give ighalo more time for man utd
Chelsea get e own problem
Chelsea been first score for the match as willian score penalty and west been reply with three goals from four shots on target and na so West Hamam been carry three points commot for relegation zone and Chelsea still dey 4th position.
Arsenal dey hope say Aubameyang go sign new deal as Saka don sign
Saka don sign new deal for Arsenal makehe dey there for four years but we never know whether Aubameyang go do the same. Mike Arteta don tok say he wan hold the striker down even though na to use jazz (at all cost). But if Auba no sign the deal Arsenal don get Saka make he stay. But if Arteta loose Auba e go wan spoil he coaching career because say the guy don dey score goals since when he commot from Borussia Dortmund.
Saka na player from Arsenal kindergarten mean say the guy don start from small and Arsenal don pump adrenaline full he body and na wetin don make am dey play ball like person wey don get experience.
Saka tok say "he love to dey play for the club, coach, fans with he team mates. He dey jolly onto wetin their coach dey cook for the and he wan know whether the food go sweet for future".
How Klopp take meet Guardiola level
Jurgen Nurbet Klopp Tok say man city coach still dey number 1 for managers wey dey football and dem don dey the same level. As Liverpool dey go Etihad on Thursday Manchester City line up dey welcome dem with applause and show respect to the current winners of premier league.
Klop follow bid wey be German publication in Saturday tok say "Guadiola still remain best coach in the world" to am. He know say Man City go regroup and come back with fire next season. He know say Liverpool players gats work head if dem wan dey for top and he trust say dem no fit dey lazy.
Knau Nwakwo dey epp fight covid-19
Kanu Nwakwo wey be one of Arsenal greatest player dey drop relief packages for people wey dey stay he area for owerri as Coronavirus dey dey shake everywhere. Food, soap, sanitizers and other things wey go keep people safe from Coronavirus na wetin the legend been share for owerri. He been aslo teach people as dem go dey safe for this pandemic.
He tok say he value life and na wetin dey push am make he epp people and teach dem. He tok say na the way he go fit use reach general public and he and the team don reach plenty locations to share food and relief materials.
700 goals for Messi but Barcelona dey inside yawa
As Messi score he 700th goal against Atletico Madrid on Tues 30th of june 2020. The team been follow am rejoice but dem don enter yawa as bacelona hope of winning La liga title don end here, but the Argentinian don get achievement.
After they don don celebrate finish with he team Messi click he finger mad wink for us viewers wey dey house make we enjoy. But Barca too dey on top Messi head make he do miracle for them but e be like say miracle don finish.
Ferdinand:na Ndidi cause am
Ndidi wey dey play international match for Nigeria been dey at fault for the goal wey Ross Barkley score for king power stadium. Rio Ferdinand wey be former Manchester United defender dey vex for Ndidi say na he bad defence cause the goal.
Ross Barkley goal carry Chelsea go FA cup semi final where dem go play Manchester United. 
Chiellini and Buffon don sign new deal
Juve don confirm say Girgio Chiellini and Buffon don sign contract extension with their club.
Juve don carry their contract go June 2021 and Buffon go don nak 43years and Chiellini go dey reach 37years. Juve con come out again tok say the contract na like reward dem use bless dem because say these players don dey loyal and the quality dem don follow add to the club .
Chiellien wey be capitano wey get serious ligament rupture, and this injury been keep am from starting serie A with the team this season. The guy don dey juve since 2005 and he don follow play 500 game since he transfer from Roma.
Buffon don show seven times in serie A but he don dey play as second keeper to szczesny and he don appear 696 times.
Authur & Pjanic don sign agreement
Authur and Pjanic don sign their new agreement as dey finish medicals on Sunday. Authur sign with juve and Pjanic sign with Barca and now we dey wait make the clubs announce their arrangements. Authur sign 5 years with Juve where dem go dey pay am £7m per season. The two players go still dey their club for the match wey remain this season. While Pjanic don sign 4 years with Barca and Juve been give am with €10m for Authur.
Xavi dey come coach Barca
Xavier Hernándz Creus wey dey coach Al - Sadd get link for the space for coach earlier this year when Barca been sack Ernesto Valverde, before they kon pick Quique Setien.
Barca don dey struggle for la liga title as Real Madrid don two points for their front. As xavi dey tell us he plan to come back Barca only if dem fit give am position where he go get full control and he go make decisions. The biggest hope wey he get na to bring Barca to their winning ways. Xavi don carry he current club Al - Sadd win Qatari super cup and Qatar cup silverware na via sport tok am. So una think say xavi go fit win La liga title if he come Barca.
Ibrahim Said: I better pass Virgil
Former Egyptian and Everton defender Ibrahim Said don go tokbwetin pass he mouth. He tok say he better pass Virgil Can Djik.
Can Djik wey be Dutch man don help hold Liverpool since he join from Southampton for 2018 Jan. He don epp Liverpool win champions league, uefa super cup, club world cup and premier league. Van Djik don show for Liverpool match 115 times and he don score 11 goals and also put hand for six goals. Na this same van Djik dem tok say play 65 games and dem no put ball for he koli or dem dribble am.
Said Tok say he better pass van Djik because he dey play different positions and van Djik dey play only one, and he dey forget hesef for field and this thing dey make am do mistake.
Tottenham offer contract to Pochettino jnr
Tottenham don offer new contract give Maurizio Pochettino son of former head coach Mauricio Pochettino. Maurizio been join Tottenham academy for 2017 the time wey he dey 19 years when he papa still dey in charge but he never make he first appearance for the club. Tottenham drop list of players wey den go keep but Maurizio name dey there even though he papa don commot the team.
Make we hope say he go make he appearance against Sheffield on Sunday July 2nd.
Ndidi: I fit improve
Nigerian international Wilfred Ndidi dey praise the northern Irish tactician wey dey influence am make he dey better.
Wilfred Ndidi dey tell us say Leicester city manager Brendon Rodgers don help am better for he skills since when he don put leg for EPL.
Ndidi better so tey he don become one of the best midfielders for England since he join Leicester for 2017. Ndidi wey be 23 years old don dey make planty managers to dey pursue am as fly dey pursue shit some of managers na Claudio Raineri, Craig Shakespeare and Claudio Puel.
Ndidi don show for Leicester league matches 113 times since he join Leicester and hope to help he team to dey win again as dey go play Chelsea on Sunday.
Lampard: man city na the best
Lampard know say Chelsea get plenty work for hand before them go fit play like premier league top two best teams.
Chelsea been beat man city 2 - 1 at Stamford Bridge and na wetin dem use give Liverpool the EPL trophy wey den dey find since.
Lampard tok say the game hard them he been also tok say man city quality and the players themselves na them be the best, the way dem dey plaay football dey sweet for eye.
No money for Havertz
Frank Lampard wey be Chelsea head coach Tok say Chelsea never drop money for Bayern Leverkusen winger Kai Havertz. Chelsea don already sign two players Timo Werner from RB Leipzig and Hakeem Ziyech from Ajax but lampard no gree Tok wether he don make move for Havertz make he come Stamford Bridge.
David Luiz, Pablo Mari & Cedric Soares don sign contract
Aguero go miss Epl matches wey remain
Kun Aguero the EPL matches wey remain because say he don wound for knee. Na so man city carry am go spain on Tuesday go meet Dr. Ramon Cugat wey dem dey call Messi of medicine, na this man been epp Guardiola the time wey he get he own injury.
They hope say if the doctor do the operation and e go well Aguero go fit play against Real Madrid for round of 16 second leg for champions league in August.
Gunners dey defence problem
As Arsenal still dey look Benrd Leno wey don get one kind injury wey dem tok say na ligament damage and field for six weeks he no go fit complete this season but dem go replace am wi Joe Hart.
Mikel Arteta tok say he think the injury do get more serious but dem never still know how the injury take serious but the main part for there never spoil and na wetin den dey fear before. But den tok say the wound no dey pain am again so he go still dey out for four to six weeks
Madrid don dey top Laliga
As Real Madrid win Real Socidad last night dem top Barcelona for league. As Gerrad Pique Tok the other day league go tough if Madrid grab 3 points. Now Madrid be the new champions for la liga though dey still dey the same piloint with Barca but dem dey use goal dey psaa dem. Sergio Ramos sef been break record as the defender wey don score goal pass for laliga history with total goal of 68 goals. So my pipo how you think go win this league as e take tight for Spain. Barca or Madrid abeg drop comment below
Everton suppose win derby.
Jaime Carragher tok say Everton suppose win the Merseyside derby wey dem play on Sunday. Everton suppose nak Liverpool with a late goal but the person wey play am kon miss. Carragher follow Sky sport tok say he think say Everton suppose win the derby and collect 3 points, though Liverpool been carry possession but Everton get better chances.
Top 4 wan use style sure for Chelsea
Chelsea been follow Aston Villa play 2 - 1 for Villa Park and na wetin dem play for Stamford Bridge. Christian Pulisic (captain america) carry Chelsea commot for danger as Aston villa dey lead dem dat time. Na so Pulisic been score the equaliser and Giroud goal follow enter post after two minutes. Manager Frank lampard dey happy say he team been do come back on top Aston villa for their house and he dey praise Loftus-cheek on top the kind contribution he add for the team. Make we watch as Blues dey host Citizen for Stamford Bridge whether den go fit do the same thing or not. No forget oo drop your comment for the section below
Arsenal yansh don open
Arsenal wey be big team don dey use style dey come down. They no fit follow big team dey drag again . Na so dem commo Leno on top stretcher because say he get knee problem yesterday and Granite Xhaka against man city. To add salt on top the injury some of their players like David Luiz even Auba don dey use body dey tell dem say this season no be dem get am say. The two games wey dey play against Man City wey dem collect three zero and against Brighton wey relegation dey call their name follow beat arsenal two goals to one. All this results dey show say Arsenal don dey go down. Wetin you think be their problem pls no forget to go the comment section 👍 drop ur opinion.
Neal Maupay don go beg Leno
Neal Maupay wep epp Brighton do come back on top Arsenal head but he tok say make dem go learn humility mean say dem too dey rude.
Neal Maupay been scores for injury time wey e remain small make refree blow final whistle and d win carry Brighton commot for relegation zone.
As medicals dey carry Leno commot field on top stretcher he dey point Maupay con tok some kind thing na why Maupay Tok say make dem learn humility
Lampard dey on top odoi matter
Lampard been tell odoi say make he learn from wetin he experience from police. Well the Chelsea player no go face any other allegations of rape but he go miss the match wey dem get against Aston Villa on Sunday due to ankle complaint. Lampard dey happy say dem don settle the issue of rape and he dey excited say the law been dey in their favour, he also follow tok say he wan how odoi go perform
for field.
Candreva: happy to be back
Inter Milan defender wey be Antonio Candreva don back training and he dey take photos dey post for San Siro stadium because say dem get match against sampdoria for San Siro.
The Italian join Serie A for 2016 as a winger for Lazio before e con go inter Antonio Conte con convert am go wing back.
Gerrad Pique Tok say La liga dey tight
Gerrad Pique tok say Real Madrid fit win this La liga title as dem follow Sevilla play goalless draw on Friday night but he manager Quiqque Setien no follow am agree.
Barca dey use 3 points top dem for table but Madrid get match against Real Socidad on Sunday and dey no go waste the chance wey dem get to top Barca.
Pique follow yan say e dey hard make Madrid drop point as Barca no fit win Sevilla Madrid don see chance to win league but dem go still dey try their best
Keane dey vex for Maguire and De Gea
Roy Keane Manchester United ex-capitano too say he dey vex for both Maguire and David de Gea. Say the kind error wey occur for post on Friday night. He told say dem no suppose pass Maguire easily and he no even wan put mouth for De Gea matter. Say dem no go enter bus go back na taxi dem go use. If na me I go first give dem correct beating before dem go house.
Leroy Sane dey commot City
Leroy Sane wey be Manchester City winger fit commot for Man City if he see another club deal collect, na wetin we hear from Guardiola.
Manchester City don try follow am Tok but he don refuse like up to 3 deals, but Bayern Munich don show interest for the guy and the don follow city Tok where city bill dem £62m for the winger wey dem buy from Schlke 04 in 2016 for £37m. If season end and City follow another club agree den Leroy Sane dey commot.
Police don collect Pogba moto
This morning as Pogba dey drive commot for airport na so police take stop am collect he moto because say he get French plate number for he car. Maybe he dey think say he still dey france, I'm just saying
Pablo Marii no fit play till next season
Pablo Mari wey be arsenal player don carry injury for ankle. He just manage play 22 minutes against Manchester City on Wednesday before he wound for ankle.Na wetin kon make Arteta sub am for Luiz we come spoil match for dem.
My pipo shey you think say Pablo go still play.
Dele Ali go miss Man Utd clash
Tottenham midfielder wey be Dele Ali go miss premier league match against Manchester United this night after he post one kind video wey dey vex pipo.
Mourinho tok say one match ban dey too much for that d punishment dey too much for am , he follow tok say pipo don make mistake for quarantine period and dem no give dem harsh punishment like dat. Dey also fine am with £50,000 and he go fit go racism educational course. Wetin u think say go do Tottenham without Dele against United
Mourinho: Tottenham gats do beta pass their first nine games
Mourinho been tok say Tottenham gats perform well because wetin dem play for their first nine game make dem lose points. He tok say dem still fit go play for champions league if dey fit meet up wit 7 points wey Chelsea dey use pass dem. Well Tottenham dey face the red devil's this night and we hope say dem fit start to dey gather points from here.
So my pipo wetin you think shey Mourinho fit carry Tottenham go champions league or shey he story fit end up like Pochettino
Timo Werner don sign for Chelsea hand
Chelsea don confirm say Timo Werner of Red Bull Leipzig wey dey happy to go Stamford Bridge for £47.5 milla.
The German international, don put biro on top paper for five years deal wey he salary go be up to £180,000 per week . As we take hear , Manchester United and Liverpool been follow drag for Werner before Chelsea enter matter carry am go Stamford Bridge.
As for Werner he tok say he dey happy to sign with great club like Chelsea and he also thank he fellow players from Leipzig and fans.
So wetin you think shey this guy go promote or demote he career for Chelsea
David Luiz: Na me cause am
I no know as Arteta take settle matter for dressing room but I know say wahala go don bust for there after Manchester City been use better koboko flog Arsenal 3 - 0 last night.
After the match do finish the 33 years old Brazilian wey be David Luiz been follow media tok say na him cause am na why City been trash dem . He tok say he suppose block Kevin wella make e no reach Sterling wey he use do goal opener to kon make matter worse he go foul Mharez for inside box na wetin Kno make refree give am red card. Abeg my pipo if na you be Arteta wetin u go do. As for me he go do frog jump reach house 😂
Thomas dey commot
Thomas Partey dey wey dey play for Atletico Madrid dey dis summer and as we dey hear na he club dey push as so also as dem dey push Arsenal dey try accommodate am for the £43.5 milla. So my pipo wetin u think shey make he go Arsenal.
£50m no reach catch Ben Chiwell for eye
Leicester no wan sell their defender Ben Chiwell for next transfer window because of the kind dangey we dem dey exposed to after dey sell Harry Maguire for August last year.
But Leicester city Tok say Chiwell dey happy for where he dey after Chelsea and Manchester City don dey fight for am. Leicester dey use five points gap Chelsea and dey on top dem for EPL table so Chiwell dey use hope say he go play champions league dey stay for Leicester City.
Sex offender
Former Arsenal player wey be Tyrell Robinson don tok say he dey guilty for having sex with a 14 years old girl the girl name we no know for crown court yesterday. He also took say he post d girl indecent picture for snap chat. Chai see as dis guy just waste him career
Arteta wan extend David Luiz contract
Arsenal manager wey be Mikel Arteta wan extend contract with Brazilian player David Luiz.
David Luiz commot Chelsea go Arsenal on top a one year contact instead of the usual two year deal wey many players dey sign. Luiz manager tok wey be Kai Joorabchian tok say Luiz contract don expire since but Arsenal no make any move to sign am.
Arteta don come out say he go like keep David Luiz say the guy dey give positive influence for the team and he like David performance
Timo fit no play championship league for R.B Leipzig
The German forward Timo Werner wey dey also play fro Leipzig fit no play the remaining champions league for Leipzig.
The reason na because say he for go Chelsea by middle of July and by den championship league never resume
Chelsea and Juventus exchange
Juve don give Chelsea one offer say dem wan exchange 2 players . They tok say dey wan give Chelsea Adrien Rabiot and Fernando Bernardeschi con collect Jorginho and Marcos Alonso. Na wetin we hear from daily sun.
Juve manager Maurizio Sarri wey be Chelsea former manager dey eager to carry two of him favorite player from Chelsea come Juventus and add chikni money join am. 
Arteta dey warn Arsenal
Barce no dey sell Fati
As we take know say for weeks Manchester United dey try buy Ansu Fati but Barcelona tok say dem no go fit sell am.
Barca sport director wey him babe nah Xavier Viljoana talk say dem no go use players from academy to dey make money say Fati go dey very important no be just for the years ahead but for weeks to come.
Mikel Arteta don confirm Aubameyang
Mikel Arteta wey be manager for Arsenal don come out say yes e don dey positive say Arsenal go sign another deal with 30 years old Pierrie - Emerick Aubameyang. Them tok say Auba current contract go expire for June 2021.
Arteta wey be boss for Arsenal don come out tok say Auba na one kind value to the say dem need am he kon tok join say he happy with Auba performance for the team. So my pipo wetin u think shey Maja Aubameyang dey arsenal or make he commot
Angel Gomes go do deliverance for TB Joshua hand
Angel na Manchester United player wey don play for England u17 national team wey e be capitano for there sef. For that video Gomes be dey 16 years he tok say injuries dey disturb am too much but as of now Angel Gomes never come outside tok anything wey concern the video wey still dey allow plenty gbege(commotion) for social media
Manchester United dey use one eye look Ndidi
Manchester United dey use style dey eye Leicester midfielder Wilfred Ndidi as alternative for van de beek, but man it's talk say na only if dem miss d opportunity to sign the young star from Ajax as den talk say opportunity comes but once in a life but e be like say man it's day get 2 opportunities for here
Marcus Rashford dey epp
Marcus Rashford man it's striker don come out talk say e wan help all those small small pikin dem we never chop say government must to provide food for dem. Government don come back say dem no go fit epp dem provide free food voucher . Rashford don tal again say him no go stop until government don epp am settle the matter.
Laliga fixtures tomorrow
6:30pm
Getafe vs Espanyol
Villarreal vs Mallorca
9:pm
Barcelona vs Leganes
If u get chance talk wetin dem go play u go fit win free recharge card
Matter wey epl dey settle
Una dey welcome
As I dey welcome una come my blog which e name na football in pidgin. For here I go dey yan una anything you wan hear on top football for Pidgin English. My name na Anidebe Peter Chisom. I know say almost everybody like sport even if say no be football we sha like one maybe na basketball or tennis but I talk say make I just bring latest talku talku for football.Una dey welcome once again make sure say una always comment for the story we I dey bring come. I go see una later for now make I go bring more story for una.
Shey make ole give ighalo more time for man utd
As man utd dey don far win match since den resume from Coronavirus break, Manchester United forward don dey strong but dem no win against ...
